ज़िन्दगी की दौड़ मा,

अंग्रेजी की सौर मा 

मि अपड़ी भाषा बिसरदी ग्यों,

हैंके की संस्कृति उखरदी ग्यों

रूप्यो का पैथर,

झूठी शान की एैथर

मि अपड़ा संस्कार छोड़दी ग्यों

नकाब

इकुलांश की छीड़ मा

बसूं की भीड़ मा

मि अपड़ी ज्वानि खपान्दी ग्यों

रुड्यूं का दोपरा मा

लुहु का थपेड़ा मा

झपनायी डायी कू छैल छोड़दी ग्यों

पंखों की हवा का गैल सुखदी ग्यों

जख्या सेर भी मोल मा

कद्दू पिंडोल भी तोल मा

हूंद की कोरी कुरकुरी मा

धुनेरी की सुरसुरी मा

पहाडूं कू तैलू घाम बिसरदी ग्यों

बिराणी कुड़ी की लिपे मा

बिराणी पुंगड़ी की कीमत बड़े मा

अपड़ी सोने की ज़मीन भुल्दी ग्यों

Date २२. 2. 014 

"http://"