सेब लगया छन जड़ड़ा पर अलु लग्या छन टुक मा
जनता बिचरी खड्डा भितर बैठेयेल नेता अपड़ी ज़िन्दगी कटणा सुख मा

भ्यार प्रदेश की तीस बुझाणी मेरा मुल्क की नदी और डाम
पहाड़ की जनता पाणी कू तरसणी च पन्देरा मा बँटा लग्यान घाम

जै दलन उत्तराखंड आन्दोलन की अगुवाई कई
वु राज्य बणा बाद वु बिना पेन्दो कू व्हेगी लोट्या
जै जनतान कुर्वानी दे वा डयेल नेतोन कांडा का बोट्या

जै हरी दीदे की रौड़ ( जिद्द ) गलि छे वेमा वुन मन्त्रल्या कू पकड़ायी लैमचूस
जै हरक दीदे की धारी देवी मा कसम खाई छे वु पेणा छान अब सरकारी जूस

12 साल कू पट्टा व्हेगी मेरू उत्तराखण्ड पर अभी भी पूरी नि व्हेन तैकी  स्याणी
12 साल मा सात बणी गेन पर अभी भी बीच मा ही लट्गी चा राजधाणी

"http://"