MORI MELA डाली लाणु चला

चला मेरा पंडो डाली लाणु चला 
देव बन मा जोल्या डाली लाणु चला 

लगो मेरि माता सत का ज्यूंदाळ् 
ओडू न्योड़ू ऐगेन तेरा ग्वाल बाल 
जोळ मगरो बटि कैकि ऐगेन पंडो स्नान 
बैठगी जिया ब्वे अपड़ा थान

जगा-जगा बटि रांसा लगण बैठी गेन 
कुण्डी का पंडो भी पैटण लगेन 
भगतू की लन्गत्यार लगी वल्या पल्या छाला
पथ पथिक बणगेन पंडो लेकि बरछा भाला

ढोल तसणु पकड़ी रूपेणा नाचण लैगी
वास-वास कैकि भीम सेन भी ऐगी
पौंची गेन पंडो देव वन का थान 
डाली चौड़ी गेन भीम नारायण हनुमान 

मठू- मठू कैकि डाली हिलण बैठिगे 
मठू- मठू कैकि डाली उपण बैठिगे
डाली मेरा योद्वो जैंती मा पोचाण 
डाली मेरा पंडो धरती नि छुवाण 

प्रदीप रावत ''खुदेड़''

"http://"