अ होरी खेल नंदलाल 

उड़ो अबीर उड़ो गुलाल 

होरी है, होरी है 

हरी दा कु मुखुड़ी कू रंग उड़िगे 

हरक बोगुणा की पिचकरी चलिगे 

हरी दा व्हेगी कंगाल 

अ होरी खेल नंदलाल
होरी है, होरी है

तेरी कुर्सया प्यों कु कैन होली जगयेल
आँखा बुज्या रैन तेरा कैन टेपर मोसू लग्येल 

जणी कैन डाली यू जाल
अ होरी खेल नंदलाल
होरी है, होरी है

रंगे थकुली मा कैन छेद करेल 

पचकरि मा अपड़ी  किजील भरेल 

चलेल कैन अपड़ी चाल
अ होरी खेल नंदलाल
होरी है, होरी है

अब कैका मुंड सजौलू ताज
अब कु करोलु ये पहाड़ ते खाक 

कान आँसू बोगाणू भारत कू भाल
अ होरी खेल नंदलाल
होरी है, होरी है

सबी ख़ुशी मनणा छन 

सबी गुलाल उड़ाणा छन 

उत्तराखंड बैठ्यूं च उदास 

ख़ुशी कू रंग नीच तैका पास 

क्यांकू बणी होलू मि 

होणू च तैते मलाल
अ होरी खेल नंदलाल
होरी है, होरी है

प्रदीप रावत ''खुदेड़''

23.03.2016

"http://"