नेतों की चमचागिरी मा पीसेणू उत्तराखंड,
नेतों की गुत्मगुथी मा कुरचेणू च उत्तराखंड।
हम तुम पार्टी बाजी मा बंट्यां छा
मुंडामा बैठी रोणु च उत्तरखंड
आँख्यूं की शरम बेची खयेल स्यून
शाहीदूं की आस मा मुख धोणू च उत्तराखंड
अपड़ी औलादन नरसिंग गतयेल ये पर
अपडू हन्कार पुजणू च उत्तराखंड
दिन दोपरा मा काळजाप पोडगी
अपडू बणायू बाटू खोजणू च उत्तराखंड
अपडों का चक्रव्यु मा फसी
झटपटणू च उत्तराखंड
अबी आठ कु-औलदूं ते पळोणू छौ
फिर स्वीली पीड़ा मा लट पटणू च उत्तराखंड,
प्रदीप रावत ''खुदेड़''
28.03.2016
No comments:
Post a Comment