सीख

जू बीतगी स्यू बीतगी बणगी कल।
पकड़  सकदे त पकड़ी रख ये पल ।।

यूँ तारों से भी हमन सीख नी ले ।
      जू सूर्या का उज्यवा मा हर्चि जन्दन।
            रात पोड्दी ही यी धरती ते रोशन कर जन्दन।
                पैथर नि फरख तू  सीधा अगने  चल।
                        जू बीतगी स्यू बीतगी बणगी कल ।
                             अगर पकड़  सकदे त पकड़ी रख ये पल।।

ये पाणी से भी तिन सीख नि ले ।
     बणी की बादल जू उड़ी जांदू आगाश ।
            बरखी की फिर बरखा यी धरती की बुझे जांदू प्यास ।
                      छोड़दी  अब पश्ताण तू अब न हाथ मल ।
                             जू बीतगी स्यू बीतगी बणगी कल ।।
                                अगर पकड़  सकदे त पकड़ी रख ये पल

यूँ फूलूं से भी तिन सीख नि ले ।
    बुरा भला द्वी जग्गों मा  अन्दन काम।
          कांडो की दगड़ी रैकी ते भी हमेशा ऊँचू रखदन अपडू नाम।
                   छल कपट कू बाठू छोड़ तू अब सत्या का बाठा ढल ।
                           जू बीतगी स्यू बीतगी बणगी कल ।
                                   अगर पकड़  सकदे त पकड़ी रख ये पल ।।

यी चोली से भी तिन सीख नि ले ।
       ज्व़ा गंगवा किनरा रैकी ते भी सारग कू देखदी नीरज।
                तिसाई रैंदी पर अपडू नि खोन्दी धिराज ।
                      बस सब्र रख तू त्वे भी मिलोलू तेरा करमू कू फल।
                              जू बीतगी स्यू बीतगी बणगी कल ।
                                       अगर पकड़  सकदे त पकड़ी रख ये पल।।


प्रदीप सिंह रावत  ''खुदेड ''
''फ्योली की आँखयू मा आँसू'' पुस्तक बटी 

"http://"