गुनेगार

खतावार छो मी, गुनेगार छो
     अपडा गुनाह पर शर्म सार छो
                अब आस च त्वे पर ये भगवान्
                      तेरी करुणा कू मी तलबगार छो

झुकगी सर मेरु गुनाह का बोझ मा
       छवकेणी च पाप की गागर, बैठयूं मी सोच मा
               दुराचारी दुष्ट आत्मा, अब मी बेकार छो

                    अब आस च त्वे पर ये भगवान्
                             तेरी करुणा कू मी तलबगार छो

सुणी की अयू छो मि,  तेरी दर मा कि या दया की दर च
           देदी करूणा मेते, तेरी त सभ्यू  पर नज़र च
                सजा भी मंजूर च अब मेते, मी तेरू खातावार छो

                      अब आस च त्वे पर ये भगवान्
                                 तेरी करुणा कू मी तलबगार छो

झणी कतगो ते में पापीन संताई च
         न झणी कतगो ते ऐ दिलन रुलाई च
               अब होड़ होडू लमडी मी, अब मी लचार छो

                           अब आस च त्वे पर ये भगवान्
                                  तेरी करुणा कू मी तलबगार छो

तेरी दियी ज़िन्दगी मोंज समझी मिन अक्सर
        बस गुनाह मा गुनाह कैरी मिन सरासर
               अब मी मोंत कू हकदार छो

                     अब आस च त्वे पर ये भगवान्
                              तेरी करुणा कू मी तलबगार छो

"http://"